සොඳුරු මේ රාත්රියේ ? – A Poem by Bhadraji
සොඳුරු මේ රාත්රියේ
තාරකා පායලා
අඳුරුවූ අම්බරේ
සඳවතී සැඟවිලා
මා තැනූ මන්දිරේ
දිලි පහන් නිවීලා
අම්බලම් පාලුවෝ
ගුම් නදින් වැළපෙනා
සංක්රමණ මඟ කුළුණු කැටයම්
දැල් බැඳීලා ඉරිතලා
ගඟෙහි පාවෙන පාරුවෙන් එන
සීපදය අද නැවතිලා
උයන්පෙත වෙත සුළං පහරින්
බියෙන් අතු ඉති වෙව්ලුවා
පතිත කළ කොළ පොකුණු දිය මත
රැහැයි තටු සේ වතුරුවා
සොඳුරු මේ රාත්රියේ ?
භද්රජි මහින්ද ජයතිලක
2016 ජුලි 25 සඳුදා